Kapitel 8 - lection octo

le octave lection - le quatro saisones

Circa le vinti-un de martio comencia le primavera. Que occurre in le primavera ?
Le flores e le fructos comencia crescer in le jardines, le folios verde comencia crescer al arbores, e le aves retorna ex le paises, ubi illos passava le hiberno . Durante le primavera il face ancora frigido, ma verso le fin del primavera il cessa facer mal tempore e comencia facer belle tempore.
Le secunde saison, le estate, comencia circa le vinti-un de junio. Le dies deveni longe.
Il face quasi sempre belle tempore. Il face sol, proque il ha rarmente nubes in le celo.
Le thermometro monstra, que le temperatura es alte e on debe aperir le fenestras a causa del calor. Il ha multe flores in le jardines e le aves canta contentemente.
Quando le folios al arbores deveni jalne e brun, nos sape, que le autumno es ci. Officialmente le autumno comencia circa le vinti-un de septembre. Ora il ha multe travalio pro le fermeros. Tosto il cessara facer sol e il pluvera non solmente legiermente, ma anque in currentes. A causa del pluvia on debe portar un parapluvia e a causa del vento le folios cade del arbores.
Le ultime saison es le hiberno. Durante iste saison il face frigido e quando le thermometro monstra, que le temperatura es basse, sub zero, le nive e le glacie da multe amusamento al minuscule infantes, proque illes potera facer bonhomos de nive e jocar sur le glacie. Secundo le calendario iste saison comencia circa le vinti-un de decembre e dura usque al vinti de martio.